کاناڵی ژیان جوانە،گەر چاوەکان جوانی ببینن...

👇👇👇🌿🌱❤️
@Mostafazadeh2

کۆا تۆ
لە سبەینێ چی دەزانی
کۆا دەزانی
کە من تەڕم
یا هەوری
وە یا ئەوەی
ون بووم لە ئاسمانت
تۆ لە شیرین
تۆ لە فەرهاد
تۆ لە دووری چ دەزانی
کۆا تێدەگەی
کە ئەویندار
هەموو شەوێ
دڵی دەباتە بیابان
تۆ دەرکەوە
ببە بە مانگی
لە ئاسمانی غەمم
بە پێکەنین
دەریایەک بە پڕ لە ئەوین


#ایلیانوروزی჻🌸‍🍃‍჻ᭂ

#وە_نادرمستەفازادە

ــــ❤️❤️❤️❤️❤️❤️❤️❤️❤️❤️

تو از فردا چه می‌دانی
که من خیسم
و یا ابری
و یا در آسمانت گم
تو از شیرین
تو از فرهاد
تو از دوری چه می دانی
تو می دانی
یکی هرشب دلش را می برد صحرا
تو پیدا شو
تو مهتاب شو
تو دریایی پر از عشق شو

#ایلیانوروزی჻🌸‍🍃‍჻ᭂ࿐❖


کاناڵی ژیان جوانە،گەر چاوەکان جوانی ببینن...

👇👇👇🌿🌱❤️
http://www.tg-me.com/ژیان جوانه/com.Mostafazadeh2

لە ڕاستیدا ئاوارەیی هەندێ جار ئەوە نییە ماڵت نەبێت، بەڵکوو ئەوەیە نەزانیت بچیت بۆ کوێ،
لە پەنجەرەکەوە سەیر دەکەیت و هەست دەکەیت دەبایە تۆ لە جێگایەکی تر بایتایە، ئەوە ئاوارەیییە.

بەختیار عەلی"

سڵاو
بەیانیتان باش
ئەمڕۆپێنج‌شەممە
24/جۆزەردانی/2724کوردی
1403/3/24هەتاوی


کاناڵی ژیان جوانە،گەر چاوەکان جوانی ببینن...

👇👇👇🌿🌱❤️
http://www.tg-me.com/ژیان جوانه/com.Mostafazadeh2

🟢 وەرن فێر بین👇



فارسی                   کوردی

حق                    ماف
سرزمین             مەڵبەند
نامشخص          ناڕوون
شهرت                ناوبانگ
غرنب                 هاڕە
تحریک کردن      هاندان
عشیرە               هۆز، عەشیرەت
فرصت               هەل
متحدشدیم        یەکگرتوو بووین
بیش ازحد          لەڕادەبەدەر
پناە                    هانا
مشترک             هاوبەش
کم ارتفاع             نزم
سُکنا گزیدن      نیشتەجێ بوون
🌸🌺🌼🌸🌺🌼🌸🌺


کاناڵی ژیان جوانە،گەر چاوەکان جوانی ببینن...

👇👇👇🌿🌱❤️
http://www.tg-me.com/ژیان جوانه/com.Mostafazadeh2

‍ 💢 وێنەی شاری بۆکان | به‌رهه‌می مامۆستا مەلا عەبدوڵڵا ئەحمەدیان (1312_1383هـ.)

🔹تێبینیی شاعیر: ❞لە ساڵی 1331ـی کۆچی هەتاوی ماڵمان لە بۆکان بوو، وە خۆم بە فەقێیەتی لە ئاوایی "بالک"ـی مەریوان بووم، وە ماوەیەکی زۆر بوو لەو شارە دوور کەوتبوومەوە، وە زۆر جاران لە دیتنی زرێبار و قەڵای مەریوان، بیری حەوزە گەورەی بۆکان و قەڵای سەردار لە دڵم‌دا زیندوو دەبۆوە، وە هانی دەدام کە بەرەو نیشتمان و مەڵبەندی ژیانی کەس و کارەکەم بگەڕێمەوە، بەڵام فەقێیەتی دەست و پێی بەستبووم؛ ناچار لە یەک دوو ڕۆژی هەینی‌دا ئەم قەسیدەیەم نووسی و بڵێسەی دەروونی خۆم تا ڕادەیەکی پێ دامرکاند. مەبەست ئەوەیە ئەو قەسیدەیە، لە تافی کرج و کاڵی و «تەمەنی نۆزدەساڵی‌»دا نووسراوه‌.❝

🌺 ❞وێــــنــــەی شــــاری بـــۆکــــان❝ 🌸

شەماڵ هەستە، مەوێستە، ڕامەمێنە
بـڕۆ  لەو شــــاره وێنێکی بـهـێـنـە

گوڵی دڵ دێتە پشکووتن بە سروەی
دیـارێـکی ئـەمـیـن و دڵــڕفـێـنـە

نیە زاڵەی ستەم، ناڵەی نەخۆشی
کە پشتی گرتووە ❞ناڵە شکێنە❝

دەڵێی سەرهەڵقەنەی دەرد و خەمانە
لە فەسڵی گوڵ کە داوێنی بەخوێنە

نەخێر دایکە و لەگوڵ داوێنی پڕ کرد
لە بۆ گەنجی کوڕ و کیژی خەزێنە

ئەگەر بۆ کانی جوانی لێت بپرسن
بڵێ ❞بۆکان❝، لە جواب‌دا دامەمێنە

نۆبووکی شارەکانی کوردەواری
لە ئاوێنەی زەماندا خۆنوێنە

شەماڵ، ئاوارەیی دەشت و چیاکەی
دەڵێی لەیلێی ونە لەو هەردوو شوێنە

لەتاو ئاسکی سڵی نێو کووچەکانی
هەچی ئاسکی چیایە سەربەکوێنە

لەشۆخی قەشمەرەن، ڕاوچی دڵانن
بە ئاوڕێکی یەکیان سەد دڵڕفێنە

چنارانی بە بیانووی هاتنی با
دەبەن بۆ ڕوو دەمیان گۆیا کەلێنە

ڕەقیبیان دی ملیان ناوە بەلاوە
کە کوێری کەن لە ئەم سیڕڕە نهێنە

گڵی میسکە، عەبیرە پووشی ویشکی
گیاش بۆ ڕووی گوڵانی باوەشێنە

کە ئاونگی گوڵی دەرمانی چاوە
گەڵاش مەڵحەم، پەلیش قەترەچکێنە

هەیه حەوزێک لە حاستی نێوەڕاستی
لە دڵ حەسرەت، لە لەش عیللەت‌پەڕێنە

لەبەر ئەو چاوە جوانەی شاری بۆکان
لـە چـاوی  ئـێـمـە‌دا  بـۆتە   گـلـێـنـە

لە ترسی چاوەزارە پێی دەڵێن حەوز
دەنا بەحرە و شەتی چۆمی خوڕێنە

کە دوو جۆگەی دەبەخشێ دوڕڕ و ئەڵماس
دەڵێی دوو دەستی حاتەم هاتە وێنە

گوڵن شین بوون لە دەوری کیژەکانی
له دڵ‌گیری هەمووی باز و شەهێنە

خڕەی خشڵ و خوڕەی ئاو و زڕەی جام
چ مووسیقێکی نەرم و  دڵ‌بزوێنە

دڵی پێکراوی برژانگیان دەچۆقێ
به ئاوری کوڵمە، زولفیان باوەشێنە

لە ڕەمزی ❞تۆڵەکە❝ی تۆقیوە دوژمن
کە ئەو شارە لە تۆ تۆڵە ستێنە

نیشانی دوژمنی دا ❞بەردەزەرد❝ی
کڵۆکەی، جوابی  بەردی سەرشکێنە

دەڵێی گوورا لە ئازادی کوڕی وی
لە نێو هەر ڕاپەڕینێک‌دا هەوێنە

بەسام و هەیبەتی ڕۆڵەی ❞عەزیز❝ی
وەکوو تیغی دەبانی سەرخەزێنە

دەپارێزن وڵات تا دوا هەناسە
شەهیدیی بۆ کوڕانی ڕێ و شوێنە

بە مردن بێتە دەست گەر سەربڵیندی
ژیان بێ بایەخە و زۆر بێ ڕمێنە

مەگەر ❞سەردار❝ نەچووە  سەر داری ئیعدام
کە دوژمن پێی دەگوت سەر دانەوێنە

❞قەڵا❝ی چۆڵ کرد هەتاکوو بێتە بیرگەی
کوڕانێکی کە دڵیان پڕ لە خوێنە

کوڵی دڵ هەڵڕژێنە  ❞حەوزە گەوره❝
تەمی تازیەی لەسەرتە مەیڕەوێنە

❞قەڵا❝کەی تۆش ❞مەریوان❝ ! پاڵی وێدا
کوڕانت وا لە مەردی بوونە وێنە

هەتا ڕووخا و خرانە قەسری قاجار
لەسەر کاولی، بە کوند گوترا بخوێنە

❞زرێبار❝! گۆمی فرمێسکی هەژاران
بهاژێ تۆش، کوڵی دڵ  هەڵڕژێنە

بە ❞دەروێش❝ بێژە دەی جارێکی دیکەش
دەسی تووک و نزاکەی خۆت هەڵێنە

بڵێ خوایە بەخاتر خوایەتی خۆت
حەقی بێ‌زۆر لە زۆرداران بسێنە

  🔸ئاوایی❞بالک❝ـی مەریوان، جۆزەردانی 1331ـی هەتاوی،
  عەبدوڵڵا ئەحمەدیان [لە تەمەنی 19 ساڵی‌دا]

🔻سەرچاوە: کۆمەڵەشێعری ❞هەست و هاوار❝، چاپ و بڵاوبوونەوە: 1370ـی هەتاوی، تاران، نەشری ئیحسان، لل: 43 و 44.

🔹ئەمڕۆ هاوکاتە لەگەڵ ساڵوەگەڕی کۆچی‌ دوایی بیرمەند، نووسەر و ڕووناکبیری ناوداری کورد مامۆستا مەلا «عەبدوڵڵا ئەحمەدیان» توێژه‌ری قورئانی پیرۆز

🔸ئه‌و مامۆستا پایه‌به‌رزه‌ ساڵی ١٣١٢ی هەتاوی له‌ ئاوایی دەرمان، سەر بە شارستانی مەهاباد لەدایک‌بووه‌ و رۆژی ٢٣ی جۆزەردانی ١٣٨٣ی هەتاوی کۆچی‌ دوایی کرد و له‌ گڵکۆی مه‌زاری نه‌مرانی بوداق سوڵتانی مەهاباد به‌ خاکی پیرۆزی نیشتمان سپێردرا.


کاناڵی ژیان جوانە،گەر چاوەکان جوانی ببینن...

👇👇👇🌿🌱❤️
http://www.tg-me.com/ژیان جوانه/com.Mostafazadeh2

شایی و بووک گوێستنەوەی پێشوو


کاناڵی ژیان جوانە،گەر چاوەکان جوانی ببینن...

👇👇👇🌿🌱❤️
http://www.tg-me.com/ژیان جوانه/com.Mostafazadeh2

تا چرای ئێمە نەسووتێ،
ئێوە هەرگیز ڕووناکایی
نابینن بە چاوی خۆتان
تا ئێمە دیل و کۆیلە بین،
هەر کۆت و نیر
تۆق و زنجیر دەکەین بۆتان! ²
              
قڕمان دەکەن؟
قوڕتان بە سەر!
گەر بشمرین
تەنیا دیلی دەدۆڕێنین
چ هەیە لە دیلی تاڵتر؟
گەر بشمرین هەر سەرکەوتووین
کوا لە کۆیلەی شەهید زاڵتر؟
               
قڕمان دەکەن؟
قوڕتان بە سەر!
دوای مردنیش
لێ ناگەڕێین
نیشتمانمان بکەن بە ماڵ
لێ ناگەڕێین
گۆشتمان بخۆن وەک قەل و داڵ ²

گەر هیچ نەبێ
دەبینە خاڵۆزەی بێستان
زیوانی ناو دەغڵ و دانتان
دەبینە لم
دەچینە ناو پارووی نانتان
دەبینە مار
پەپکە دەخۆین لەناو نوێنتان
دەبینە شێرپەنجە و میکرۆب
گەرا دەخەین لەناو خوێنتان

دەبینە کوان
هەردەمە و لە جێیەک دەردێین
دەبینە ژان
لە سەد لاوە تێتان وردێین
دەبینە زێرووی هەزارپێ
دەم گیر دەکەین لە گەرووتان
دەبینە تامیسکەی سەر لێو
باپشکێوی سەر پێڵووتان

شایی بکەن،  دەیکەین بە شین
پرسە دانێن، کاستان دەکەین بە پێکەنین!
دەبینە لەکەی زمان و تانەی سەر چاو
دەبینە مووی ناو  خۆراک و خڵتەی ناو ئاو!

«عەبدوڵڵا پەشێو»🌻

کاناڵی ژیان جوانە،گەر چاوەکان جوانی ببینن...

👇👇👇🌿🌱❤️
http://www.tg-me.com/ژیان جوانه/com.Mostafazadeh2

🌟ئاماژەیەک تەواوە بۆ ژیران!
🌟
پیاوێک خانوویەکی، بۆخۆی درووست کرد و بەڵێنی لێوەرگرت کە هەتا ئەو کاتەی زیندوویە پێی وەفادار بێت و بەسەریدا نەڕووخێ و بەر لە هەر ڕووداوێ ئاگاداری بکاتەوە.
ماوەیەک ڕابرد دیوارەکەی قەڵەشتی برد، پیاوە خێرا قەڵەشتەکەی بە گەچ داپۆشی.
پاش ماوەیەک لە جێیەکی دیکەوە قەڵەشتی تێکەوت و دیسان پیاوە بە گەچ دایپۆشی.
ئەو ڕووداوە چەند جار دووپات بۆوە تا ڕۆژێک لەپڕ ڕووخا....
پیاوە بە لۆمەوە قەول و بەڵێنەکەی وەبیر هێناوە کە پێی دابوو کەچی خانوو وەڵامی داوە؛
هەر جارێ ویستم ئاگادارت کەمەوە، دەمت بە گەچ گرتم و بێدەنگت کردم،
ئەمەش ئاکامی گوێ نەدان بە ئاگادارییەکانە...!

📒مەسنەوی ـــ مەعنەوی
وەرگێڕان:کامیل ئاغابەیگ پوور
۲۲ی جۆزەردانی۲۷۲۴ی کوردی


کاناڵی ژیان جوانە،گەر چاوەکان جوانی ببینن...

👇👇👇🌿🌱❤️
http://www.tg-me.com/ژیان جوانه/com.Mostafazadeh2

خوداوندا
گەر لەو دنیاش
بە زمانی خۆمم بمدوێنی
شەرتە
بەڕەوانی
هەموو شتێ بدرکێنم
لە لات
بەڵام بە زمانی تر
خۆم دەکەم کەڕ و کاس و مات

نادرمستەفازادە


کاناڵی ژیان جوانە،گەر چاوەکان جوانی ببینن...

👇👇👇🌿🌱❤️
http://www.tg-me.com/ژیان جوانه/com.Mostafazadeh2

سڵاو

سڵاوێک بە گەرمی هەتاوی هاوین
پێشکێش بە ئێوە دۆستانی ئازیز
وخۆشەویست،بەیانیتان باش

ئەمڕۆهەینی
25/جۆزەردانی/2724کوردی
1403/3/25هەتاوی


کاناڵی ژیان جوانە گەر چاوەکان جوان ببینن

@Mostafazadeh2

هەژاری ئاورێکە چاکەکان دەسووتێنێ
وە سەروەت پەردەیەکە بە سەر
خراپیەکان دادەکێشرێ و دایاندەپۆشێ،
وای لەو خەڵکە چەند بێ‌ئینسافن
ئیرادی یەکێ دادەپۆشن،بە خاتری
سەروەت و سامان،یەکیش
دەسووتێنن بە تاوانی هەژاری و
نەبوونی...

وە ـ نادرمستەفازادە


کاناڵی ژیان جوانە گەر چاوەکان جوان ببینن

@Mostafazadeh2


ــــ❤️❤️❤️❤️❤️❤️❤️❤️❤️


فقر آتشی است که خوبیها را می سوزاند،
و ثروت پرده ایست که بدیها را می پوشاند،

یکی را می پوشانند به احترام داشته هایش،
و دیگری را می سوزانند به جرم نداشته هایش...!


🌷🌷🌷🌷🌷🌷

کاناڵی ژیان جوانە گەر چاوەکان جوان ببینن

@Mostafazadeh2

بەس بۆ خۆت بژی نەک بۆ خەڵک
هەر چی بووین، لە پشت سەرمانەوە
قسەیان کرد...!
بێ پێچ و پەنا بووین، کوتیان:سووک و؟چرووکە...
لالووت و کەمتەرخەم بووین،کوتیان:لە خۆ ڕازییە...!
هەتا پێکەنین، کوتیان بێ‌شەرمە
ناوچاوان گرژ بووین، کوتیان خۆ دەگرێ
ساکار بووین، کوتیان گەمژەیە
بایەخمان پێ‌نەدان کوتیان، نارسیسیستە.!
خاکی بووین... کوتیان ئەدا دەردێنێ.!
کاتێ قسەیان کرد وەڵاممان دانەوە.کوتیان
دیتتان حەق بە ئێمە بوو،مل نادا و بەڕق داچۆ...!!
کاتێ، قسەیان کرد و وەڵاممان نەدانەوە
کوتیان، دیتتان حەق بە ئێمەیە ڵاڵ بۆ!
هەر چەشنێ جووڵاینەوە،ئەو کۆمەڵگایە
بێ‌کار نەبوون و شتێکیان ساز کرد...!
ئەو خەڵکە هیچکات
ڕێز گرتن لە بیر و ڕای
خەڵکی فێرنابن،
بەس تۆ تەنیا بۆ خۆت بژی!!!

وە ــ نادرمستەفازادە


کاناڵی ژیان جوانە گەر چاوەکان جوان ببینن

@Mostafazadeh2

دوێشەو
خەونی تۆم دی
ئەی خۆشەویستترەکانم!
دەزانی لە کوێ؟
لە کووپەی شەمەندەفەڕێ‌
لە سەفەر دابووین
تۆ ماچت کردم
من لە خەوڕاپەڕیم
بڵێی هەر وا زوو بێی؟
کە بەو ئاواتەوە بژیم


#آنتوان_چخوف💙


#وە_نادرمستەفازادە


کاناڵی ژیان جوانە گەر چاوەکان جوان ببینن

@Mostafazadeh2

تکایە لە وتووێژی ڕۆژانەدا وشەی بە کوردی بدوێن🙏

خالە : #پوورێ_پوور
مامان: #دایە_دایکە_داڵک
عمو: #مامۆ_مامە
بخاری: #سۆبە_کووره
گربە: #پشیلە_کتک
#قرمز: #سوور

ابر: #هەور
زبان: #زمان_زوان
هدف: #ئامانج
آدم برفی: #بووکەبەفرینە
برف: #بەفر_وەفر
پروانە: #پەپوولە

مرسی: #سپاس
صدا: #دەنگ
خوشبختم: #بەختەوەرم
صلح: #ئاشتی_تەبایی
مدرسە: #قوتابخانە
دانشگاە: #زانکۆ
موفقیت: #سەرکەوتن_سەرکەوتوویی

نقاشی: _نیگارە
عکس: #وێنە
منظرە: #دیمەن
بنفشە: #وەنەوشە
زرنگ: #زیرەک_ژیر
مطمئن: #دڵنیا
مداد: #پێنووس

مطب: #نۆرینگە
بیمارستان: #نەخۆشخانە_خەستەخانە
بیمار: #نەخۆش_ناساغ
بیماری: #نەخۆشی_ناساقی_ناساغی
معالجە: #چارەسەری
آشکار: #ئاشکرا_ڕوون

شناگر، غواص: #مەلەوان_مەلەڤان
آشیانە: #هێلانە_هیلانە_کولانە
حادثە، رویداد: #ڕووداو
ظاهر: #ڕواڵەت
رگبار، باران: #ڕێژنە_باران
کمر: #ناوقەد_ناوقەو
شکم: #سک_زگ_زک

جاروبرقی: #تۆزمژ_تۆزهەڵمژ
موادمنفجرە: #تەقەمەنی
مایعات: #شلەمەنی
لبنیات: #شیرەمەنی
سبزیجات: #سەوزەمەنی
اسم_ذات: #ناوی_سەربەخۆ
اسم_معنی: #ناوی بەستە_ناوی واتا
مثبت: #ئەرێنی
منفی: #نەرێنی
اسم_مرکب: #ناوی_لێکدراو
متصل: #لکاو
سنگوارە: #بەردەواڵە

#دیمەن: منظرە
#ژینگە: محیط زیست
#ژیوار، نسک: زیست
#ڕووبار: رودخانه
#تاڤگه: آبشار

#شەپۆل: موج
#لافاو: سیل
#هەرەس: بهمن
#هەسێڵ: استخر
#لووتکه: قله
#شەق: شکاف

#دارستان: جنگل
#سەوزەڵانی: سبزه زار
#چڵ: شاخه

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌👇👇👇

سڵاو
بەیانیتان باش

ئەمڕۆشەممە
26/جۆزەردانی/2724کوردی
1403/3/26هەتاوی


کاناڵی ژیان جوانە،گەر چاوەکان جوانی ببینن...

👇👇👇🌿🌱❤️
http://www.tg-me.com/ژیان جوانه/com.Mostafazadeh2

‍ ‍ ‍ بە بۆنەی بیستەمین، تێوەرسووڕانی کۆچی دوایی:
گەورە زانا، بیرمەند، دانسقەی کورتەباڵا، بلیمەت و پیتۆڵ و باشقەی لێزان و چازان و هۆزان،  مێژوو نووس، هۆنەر و وێنەر و ڕۆنەر و نوێنەری شایانی زانستی باو،
مامۆستای پێشەنگ و وریا:
مامۆستا مەلا(دوکتۆر) عەبدوڵڵای ئەحمەدیان.
[ (1312)_ 23_(1383)]

لە عەوڵای دەرمان، تا کەڵەمێری موکریان و عەللامەی کوردان.

عەبەی خڕیلە لە هەموو قوژبنان سەری وەدەرنا، و لە دیوەخانی جوانمێران و خاسان و سازان، بیرگەی هەڵئاخنی و تەنانەت بۆ خۆ پێگەیاندن دوای حەمام کردن بە کانی مەلا عەلی وەڵزی لە حەمامیان، خۆی گەیاندە بەغدای هەباسیان و لە تەنیشت نیزامیەی غەزالی، بۆ قزڵجی چۆکی دادا، و بە گورج و گۆڵی دەرەقەتی هەموو کتێبە خێس و چانەکراوەکان هات.

پاشان تاوی دایە پەڕی سیخوڕان بۆ ڕەواندنەوەی دێو و درنج و جندووکان.

بە قەڵافەتی قوڵەی تا بەرزترین گڵۆفکی داری بەری مرۆڤ، وێهەڵگەڕا و بۆ بڵیندایی زانین خوشی.

زۆر کەڵەگەتی ناقۆڵای چەماندنەوە و  گەلێک کورتی چەوساوەی باڵا پێکردن.
بیری سواوی بە هەسانی فام، سویو و بە ئاوەزی ناوازە، ئاوی دا و بە گژ پڕ و پووچان دا چوو.

گەلحۆی بە پللار ڕە کەچان هاڵاند و بە کووچکان مەڵۆی نەفامانی ڕووخاند.

لە ڕوانگەی من، عەوڵای کورد لە بواری ماریفەت و سەردەرچوویی لە عیلمان، لە چوار عەوڵای شوێنکەوتەی نێردراوی ئەمین لە نیمچە دوورگەی عەڕەبانی تێپەڕاند.

لە هەر جێیەک چاو بگێڕی،
بە سەر پێنووسی چڕنووسی لێک و لووسی دادەکەوی.

بە کوتاڵی خواجە حەسەنی بەسڕایە، دێتە هەرێمی تەژی لە مشت و مڕ و بناشتی زۆربڵێ و قەرچەناغی، وەتاغی تایفەی موعتەزیلە و ئەشعەریان، و ڕووتەڵەکان پۆشتە دەکا.

لە بناگوێی کەڕ و کوێر و ناحەزانی چەکچی سیفەت، دەسریوێنی و ڕوخساری سپی و سۆڵی حەبوو و عومبەران بە تێل فافۆنی توێژینەوە
وەدەر دەخا.

لە ئەستانی دە سەقەت ناسڵەمیتەوە و زەنگاڵان هەڵدەکێشی و بە گۆچانی مووسایی، بۆ ساغ کردنەوەی بابەتە چەتوونەکانی قورعان و فەرموودان،
بۆ ڕێبوارانی سەر لێشێواو، جۆگەت دەشکێنی و بە سەر ڕەنوە بەفران، بازبازێن دەکا.

نەک لە عالەمی چاو سوور بە جێ نامێنێ
بەڵکوو بە کەلامی کۆن و نوێی بە کۆڵەک ئیسم و میسم، کە وەک نوردوە نان دەبەر پشتێندی دان
ئاوانگاردەکانی گوڕنی و لە خۆبایی، ئیست دەدا.

بە هەست و هاوار، و گەوهەری ناو خەزێنە، هاوار لە گەلەکەی دەکا و بە پەنجە جوانەکانی هۆنە و پەخشان و شێعری خەمڵاو دەهۆنیتەوە لە باژێڕان  دەنگ دەداتەوە و عوکازی دیکە دەخوڵقێنی و دەمڕاستانی وێژە، دەحەپەسێنی.

جگە لە لاپەڕان و پەڕتووکان، بە دەنگی سەرنجاوی و ڕوون و ڕەوانی، دڵ بژۆک و بە ئیشتیایان بۆ ڕادێونێ، ڕادەکێشی و خەڵکی وەچەقڵەسەما، دەخا.

سەرانسوێی زۆر کەلێنان دەکا و بە ماقوڵی کەلەبەری نیوەڕووخاوان پڕ دەکاتەوە و حەجمین لە تەرەسان هەڵدەگری.
و قافڵەی زانایان دێنێتە سوێی دیواری ڕۆنراو، لە ژیان و سەربوردەی حەمەی شافیعی و زاناگەلی کورد وەکوو:
وەفایی،مەولەوی، قزڵجی،بەکرەی موسەننیف و بێتووشی، و مەلاجامی و هتد....

عەبدووڵڵای بزۆز و لە خۆڕادیتوو لە حاندی هەژاری گەڕیدە و مەزن و وێژەر، هەژاری خێوی هەنبانە و شەڕەفنامە، سام نایگرێ و بوێرانە
و نەبەزانە دەستی لە خەزێنەی ڕا کرد و چوار ڕێی لە چوارینەکانی گرت و عومەری خەیامی هێنا ڕەدایە کە شتی وای لە هەگبەدا نەبووە.

بەڵێ شۆڕەسوار و قاڕەمانی مە، نەک لە ئەدەب و بێژەی زمانی عەڕەبی و فارسی و کوردی...
بگرە لە فەلسەفە ودەروونناسی و کۆمەڵناسی و بیرکاری و مێتۆدی زانستیش دا، بنیاتنەر و شڕۆڤەکار بوو.
و لە گۆڕەپانی حوجرە و زانکۆ، تەڕاتێنی دەکرد.

خۆشتر و بە تامتر لە جێگە و پێگەی ئەو کەڵەپیاوە، وەجاخی ڕوون و زاو و زێکەیەتی،
کە کوڕە زانا و فامیدەکانی وەکوو محەممەد و ئەحمەد و جەماڵ،
کوردانە و مەردانە نەیانهێشتووە ڕێی بابیان کوێر بێتەوە و پڵیتەی چرای زانستی ئەو بنەماڵەیە بکووژێتەوە.

مخابن دوای 71 بەهار ئەو زاتە بەڕێزە، لە تەمەنی دارماڵ لە هات و فەڕ و خزمەت، لە قیبلە، ڕوو بە قیبلە سەری نایەوە و هەموو ئەویندارانی ڕێبازی بابە برایمی، لە کوردستانی ئازیز،
داغدار کرد.

هەزاران ڕەحمەت لە گیانی پاک و چاکی مامۆستا مەلا عەبدوڵڵا.

عەبدوڕەحمان _ ئەحمەدی.
جۆزرەدانی 1399. نووسراوە


کاناڵی ژیان جوانە،گەر چاوەکان جوانی ببینن...

👇👇👇🌿🌱❤️
http://www.tg-me.com/ژیان جوانه/com.Mostafazadeh2

18 خاڵ تاوه‌كو سه‌ركه‌وتوتر بین..لە ژیان .

1- هه‌موو كه‌سێك بناسه‌ به‌ڵام هاوڕێیه‌تی هه‌موو كه‌سێك مه‌كه‌
2- هه‌موو شوێنێك شاره‌زابه‌ به‌ڵام بۆ هه‌موو شوێنێك مه‌ڕۆ

3- هه‌موو شتێك ببینه‌ به‌ڵام باوه‌ڕ به‌هه‌موو شتێك مه‌كه‌

4- گوێ له‌هه‌موو كه‌سێك بكره‌ به‌ڵام هه‌موو قسه‌یه‌ك مه‌كه‌

5- گه‌ر هه‌موو دنیا دڕك بوو تۆ هه‌ر وه‌ك گوڵ به‌

6- گه‌ر له‌سه‌رمایا ڕه‌ق بویته‌وه‌ به‌رگی ناپاكی له‌به‌ر مه‌كه‌

7- گه‌ر له‌تینواندا خنكایت ئاوێك مه‌خۆره‌وه‌ كه‌ ئابڕوت به‌رێت

8- گه‌ر نوقمی ئاویش بویت به‌سه‌ر پردی نامه‌ردا مه‌په‌ڕێره‌وه‌

9- گه‌ر كه‌سێك دڵی شكاندیت تۆ دڵی كه‌س مه‌شكێنه‌ جونكه‌ پڕكردنه‌وه‌ی دۆڵێك ئاسانتره‌ له‌ چاككردنه‌وه‌ی دڵی مرۆڤێك

10-هەر كات نهێنیه‌كت دركاند ئه‌وه‌ بزانه‌ تۆ تیرێكت داوه‌ به‌ده‌ست به‌رامبه‌ره‌كه‌ت

11 به‌گریانی كه‌س پێ مه‌كه‌نه‌و مه‌هێڵه‌ كه‌س به‌گریانت پێ بكه‌نێت

12- وشه‌یه‌ك به‌به‌رامبه‌ره‌كه‌ت مه‌ڵێ كه‌خۆت پێت ناخۆشه‌ به‌خۆتی بڵێت

13- مافی كه‌س مه‌خۆ بۆ مافی خۆت بجه‌نگه‌

14- نهێنی خۆت به‌هه‌موو كه‌سێك مه‌ڵێ و نهێنی كه‌سانی تریش بپارێزه‌

15- چاوه‌ڕوان مه‌كه‌ ڕوداوه‌كان تۆ بكۆِڕن به‌ڵكو خۆت ڕوداوه‌كان بگۆڕه‌

16- با وته‌كانت هه‌ڵبژارده‌ی ناخت بن هیچ شتێك بێ بیركردنه‌وه‌ مه‌ڵێ

17- داوای یارمه‌تی له‌كه‌سانی تر بكه‌ به‌ڵام هه‌رگیز لێیان مه‌پارێره‌وه‌  چونكه‌ هیچ شتێك وه‌ك ئابڕوت نیه‌

18- پێش ئه‌وه‌ی هه‌ڵه‌كانی خه‌ڵك ببینت و باسیان بكه‌یت باشتره‌ هه‌ڵه‌كانی خۆت چاره‌سه‌ر بكه..!!



کاناڵی ژیان جوانە،گەر چاوەکان جوانی ببینن...

👇👇👇🌿🌱❤️
http://www.tg-me.com/ژیان جوانه/com.Mostafazadeh2

بە داخەوە
چەندە درەنگ زانیم
بێ‌دینی تۆ
لە دینداری من
بە خودا نزیکتربوو
دینداری من
لە ترسی ئەقڵ بوو
بەڵام
بێ‌دینی تۆ
لە برینی دڵ

#رها_سابر

#وە_نادرمستەفازادە